Emilia Pardo Bazán: los cuentos

Abstract

O II Simposio Emilia Pardo Bazán, celebrado en 2005, cuxas Actas agora publicamos, centrouse en examinar o achegamento de dona Emilia a un xénero que dominou con mestría: o conto. Deste xeito, e durante catro días, sucedéronse comunicacións e relatorios nos que os participantes falaron das posibles influencias dos relatos da escritora, determinaron as súas fontes reais ou literarias, examinaron as técnicas empregadas, personaxes e temas, achegáronse aos lugares onde transcorrían as accións dos contos e puxeron de manifesto a relación entre estas pequenas pezas literarias e outros escritos da condesa. Tamén houbo espazo para o achegamento ao legado doutros dous escritores cos que o xénero contístico acadaría o seu máximo esplendor a finais do século XIX: José María de Pereda e Leopoldo Alas "Clarín".